كلمات شيلة هب البراد
هَبْ البَرَّادْ وزانت النفسيه
والجو روعه والمشاعر حَيَّه
...................................................
والغيم غطى الديره السحريه
وجَادَتْ لك الأبيات يا مَغَنيها
........................................................
غيم وسَعَةْ بال ومطر يا الغالي
ولا طرى غيرك أبَدْ في بالي
........................................................
قربك هَنَّاي وشوفتك تَحَلى لي
ونفسي لأجل وصلك فِدا غاليها
........................................................
صَبْ المحبه بأشرب مِنْ إدلالك
وخل الكلام ومدّ لي فنجالك
........................................................
أنا ما أروق إلا لا صَرّتْ قبالك
لا يا بعد روحي ويا مداويها
........................................................
فيك الجمال الطاغي المتباهي
يا لذة السُكّر بكوب الشاهي
.........................................................
ملامحك فتنه وزينك راهي
وأوصافك الفخمه من يجاريها ؟
........................................................
وعيونك أليا سَلهَمَتْ ذباحه
مرتاحه وما كِنها مرتاحه
........................................................
نظراتها سحريه ولماحه
الله يخليها لمن يرجيها
.......................................................
لبيه يا الوجه الجميل الهادي
شوفك هوا نفسي وقربك زادي
.......................................................
حبك بـ وادي والبشر في وادي
وعروق قلبي جَيَّتَكْ تحيِيّها
.......................................................
وينك ثلاث أيام فاقد صوتك ؟
ترى المَكابَر ضاع بين سَكوتِكْ
......................................................
لا يسرقك عَمّرْ الغلا ويفوتك
وتحوسَكْ الدنيا وتحزن فيها
......................................................
دايم وجوالك يجيب الصدمه !
كل ما اتصل خارج نطاق الخدمه !!
.....................................................
إلى متى تبني الوصل وتهدمه ؟
الأيام من دُونك أنا ما أبيها
.....................................................
لا تلتفت للعالم النَقَادَه
اللي على درب الردى مِعتَادَه
....................................................
على العلوم الناقصه وَرَادَه
مهما تسوي طيب ما يِرضِيها
..............................................
شيلة حان الوعد يالابتي
